Laugaborg er fjögurra deilda skóli og þar dvelja 93 börn samtímis.
Leikskólastjóri er Helga Alexandersdóttir og aðstoðarleikskólastjóri er Bergþóra Vilhjálmsdóttir.

Megináherslur í uppeldisstarfi leikskólans er umhverfismennt og skapandi starf. Leikskólinn starfar undir áhrifum frá uppeldisaðferðum sem kenndar eru við Reggio Emilia sem er borg á Norður Ítalíu.

Markmið leikskólans er að búa barnið undir þátttöku í lýðræðisþjóðfélagi og efla virðingu
þess fyrir umhverfi og náttúru. Í umhverfismennt er lögð áhersla á mikilvægi náttúruskoðunar og er endurvinnsla og endurnýting í brennidepli. Leikurinn er eðlilegt tjáningarform barnsins og endurspeglar reynslu þess.
Í leik læra börnin að vinna saman og taka tillit hvort til annars. Í Reggio uppeldisstefnunni er áhersla á sýnina á barnið, foreldrasamvinnu og þátt umhverfis og skráningar.

Leikskólinn Laugaborg var opnaður 1. júní 1966.